அன்புள்ள நண்பர் ரவி,

‘சாய் லட்சுமி ஈவன்ட்ஸ் மேனேஜ்மென்ட்ஸ் பிரைவேட் லிட்.’ என்கிற தங்களது நிறுவனத்தின் மூலம் அறிமுகமானோம். தரமான - எளிய மனிதரான ரவி எனது நண்பர் என்பது பெருமிதம்.

தங்கள் தந்தையாரின் பரிபூரண ஆசியும், தங்களுக்கு இருக்கிற ஒரு நல்ல பெயரும் இத்தனை உயரத்துக்குத் தங்களைக் கொண்டு வந்துள்ளது என்பது நிதர்சனம்.

‘சாய் லட்சுமி கேட்டரர்ஸ்’ என்கிற தங்களது உணவுத் தயாரிப்பு நிறுவனத்தை வியாபார ரீதியாக மட்டுமல்லாமல், பல நல்ல சத் காரியங்களுக்கும் சேவை மனப்பான்மையோடு பிரமாண்ட அளவில் அன்னதானம் செய்து வருவது பாராட்டுக்குரிய விஷயம். தங்களது சேவை மென்மேலும் பெருக வேண்டும். அதற்கு காஞ்சி மகா பெரியவா பரிபூரண தேக நலனைத் தந்து அருளப் பிரார்த்திக்கிறேன். இந்த சேவையில் தங்களுடன் ஈடுபட்டிருக்கும் அனைவருக்கும் எனது வாழ்த்துக்களைத் தெரிவித்துக் கொள்கிறேன.

மகா பெரியவா சரணம்